Ályktun stjórnar RKÍ um málefni Mannréttindarskrifstofu Íslands
Ég vil hrópa húrra fyrir stjórn Rauða kross Íslands, hér er grein af síðu RKÍ, tekinn 03.01.06.
Ályktun um málefni Mannréttindaskrifstofu Íslands
03. janúar 2006
Rauði kross Íslands var einn af stofnaðilum Mannréttindaskrifstofu Íslands auk átta annarra óháðra félagasamtaka sem vinna að mannréttindamálum. Nú eru aðildarfélögin tólf talsins.
Fram til ársins 2005 fékk Mannréttindaskrifstofa Íslands fast framlag á fjárlögum sem tryggði rekstur skrifstofunnar en beinum fjárveitingum stjórnvalda var þá hætt.
Aðildarfélögin, systurstofnanir erlendis og ýmsir aðilar innanlands og utan hafa skorað á stjórnvöld að tryggja rekstur skrifstofunnar, nú síðast mannréttindafulltrúi Evrópuráðsins.
Stjórn Rauða kross Íslands samþykkti á fundi 16. desember sl. eftirfarandi ályktun um málefni Mannréttindaskrifstofu Íslands:
Stjórn Rauða kross Íslands lýsir yfir áhyggjum sínum að beinum fjárveitingum stjórnvalda til Mannréttindaskrifstofu Íslands hafi verið hætt. Stjórnin telur mjög mikilvægt að hér á landi starfi óháð og sjálfstæð stofnun sem sinni mannréttindamálum. Stjórn Rauða kross Íslands hvetur þess vegna stjórnvöld til að tryggja áframhaldandi rekstur Mannréttindaskrifstofu Íslands.
Nánari upplýsingar gefur Kristján Sturluson framkvæmdastjóri í síma 570-4022.
0 Comments:
Skrifa ummæli
<< Home