dísus!!!

En byrjum á öðru, var búin að skrifa heilan helling í gærkveldi, en as always datt talvan míon út og allt í hassi, nema að ég var svo sniðug, því ég er farin að kunna á tölvu skrattann, ég seifaði svo ég set þetta bara inn í dag þegar ég kem heim, þ.e.a.s. ef tölvu hróið mitt virkar.
Var annars á frábærum tónleikum í gær hjá Kvenna kór Reykjavíkur, nú hefur systir mín hin frábæra bæst í þennan fagra hóp svo ég hef tvöfalda ástæðu til þess að fara að hlusta á þær, ír aun 3 falda, mamma, Ása og svo er líka gaman :)
En allavega út í dísusið:


Orkuverð til Alcoa 1,20 kr./kwst

Eftir að efnahagslegar afleiðingar Kárahnjúkavirkjunar tóku að koma í
ljós hefur þeim fjölgað mjög sem opinberlega lýsa efasemdum um arðsemi
þessarar framkvæmdar. Margir hafa bent á að meðan leynd hvílir yfir
umsömdu orkuverði til Alcoa verði tæpast hægt að skera úr um þetta mál
með óyggjandi hætti.

Náttúruverndarsamtökum Íslands hefur nú tekist að afla áreiðanlegra
upplýsinga um umsamið orkuverð til Alcoa. Miðað við spá Landsvirkjunar
um þróun álverðs, sem byggir á langtímaframleiðslukostnaði, ætti það að
vera 1564 dollarar/tonn þegar áætlað er að orkusala til Alcoa hefjist.
Miðað við þessa tölu verður orkuverðið 17,4 mills á kwst. Miðað við
núverandi gengi dollars er því verðið um 1,20 kr. Orkuverð er beintengt
álverði.

Umrætt verð er nokkru lægra en miðað var við í arðsemismati sem
Náttúruverndarsamtökin létu vinna árið 2002. Samkvæmt því mati er
núvirði Kárahnjúkavirkjunar neikvætt um 40 milljarða króna miðað við
eðlilega ávöxtunarkröfu, að því gefnu að kostnaðaráætlun standist.

Þá er ótalinn 2,6 milljarða beinn styrkur ríkisins til Alcoa og
kostnaður vegna tafa á afhendingu orku til Alcoa en flest bendir til að
afhending orku tefjist verulega vegna vanmats Landsvirkjunar á
framkvæmdaáhættu.


(Tekið frá Náttúruverndarsamtökum Íslands)